Orfismo - Glosario de filosofía
Si una palabra no aparece en el listado de términos mostrado es que no se encuentra definida en el glosario.
- Orfismo
- Movemento relixioso da Grecia antiga, cuxa fundación atribúese a Orfeo, (mítico poeta e músico tracio), e cuxas orixes adóitanse situar no século VI antes da nosa era. Segundo o orfismo, a natureza humana contería unha dimensión negativa (o corpo) e outra positiva (a alma, de carácter divino, inmortal). Mediante rituais de ascetismo e purificación, cos que se propoñía renovar o culto dionisíaco, a parte negativa podería ser eliminada, quedando liberada así a parte positiva, divina, a alma inmortal, que conseguiría a súa salvación definitiva, non volvendo a mesturarse co negativo.
O orfismo influíu na filosofía dos pitagóricos, pero tamén na de Heráclito e Empédocles. Platón parece que puido coller do orfismo a idea de que existe un alma inmortal, (idea que non se lle pode atribuír ao seu mestre Sócrates), segundo a presentación que fai dela no Menón, poñéndoa en boca da sacerdotisa Diotima.